اقتباسـآت
لكي لاتكره نفسك :
عليك ان تفرغ لها وتفهمها ~
عليك ان تفرغ لها وتفهمها ~
اقتباس ~
انـآقتك ليومك الجامعي ~ (1)
/
0 Comments
Hi، ~
ابغى ابكي ،
من اول م فتحت المدونه وانا متحمسه اكتب وكل مرا تطلعلي شغله جديده
عشان كذا اأجل بس وقفت مع نفسي وقلت بس ي بنت
و نقول
آاخخخخيرررا ،
حياه جديده ، وعام جديد
وسنه جديده ، ومعدل جميل ان شا الله
البوست اليوم حيكون حبتين طويل بس ممتع ان شاء الله
الجامعه
بما انها بدات واوشكنا اننا نبدا دراسه حبيت
اتكلم عن المظهر او نقول بالعامي شكلك الخارجي، ستايلك الخاص ، او كشف شخصيتك
م ننكر اننا شعب يحكم ع الانسان من شكلو ، حتى لو غلط يظل كذا المجتمع م نقدر نغيرو
وبيني وبينكم عن نفسي فعلا احب الشخص الي يجي مرتب ومأنتك ،
م ينفع ابدا الوحده تجي كذا حتى لو انك تقوطرين جمالاً
تعودي ع الترتيب عشان حتى اولادك واحفادك يطلعو زيك بالجمال ~
انا م اقصد البهرجه الزايده لا طبعا كل شي يكون باعتدال ، يعني تبين انها بمكان دراسه بس بشكل انيق
عشان حتى انتي نفسيتك تنفتح للدراسه
وطبعا الجامعه عالم مختلف ويُعتبر حياه مصغره للحياه الخارجيه
لانك بتقابلين فيها اشكال والوان من الاوادم منها الزين والشين
ليش نتكلم عن الجامعه ؟
لانو اغلب البنات هناك فئة الـ 19 و 20 فتلاقينهم متابعين للموضه
ويدققون
believe me
تُعتبر الجامعه مرحله عمريه ممتعه لاتفوتونها ،
حاولو تندمجون معاها ومع جمالها
واستمتعو فيها وانبسطو لانو فعلا اذا مانبسطتي بسنك هذا الي هوا اصلا مرحلة الشباب
متى حتنبسطي ؟
حياتي ومن خلال بحثي + اعتمادري الاغلب ع البس النعوم الي م يكون مكلف
واتمنى تسستفيدو منها
Lets Go
،
لازم لازم يكون عندك كذا شكل وكذا تصميم مختلف تماما وتشكيله من الالوان عشان تساعدك ف التغيير
*اساسي:- يكون عندك الوان رئيسيه مثل الابيض والاسود ، للايام الي مالك خلق تسوي شي خلاص تلبسيها ويلا ع الدوامممكن وافضل تختاري القمصان الي تكون بالوان بارده وهاديه زي الوردي والازرق تناسب جميع البشرات ورايقه وهاديه للعين
ممكن كمان تختاري قمصان بنقشات ورود خفيفه وتكون ع الاطراف مثلا وحاولي تبعدي عن القمصان الي يكون نقش مزعج للعين وانسي تماما الي يكون فيه ترتر - عموما نحاول نشتري كذا نوع من التوبات + الجاكيتات
*التوبات:- حلو تلبسي تحت القمصان الي تكون شفافه ترتب شكلك + انتبهو بعض القطع يكون فيها كلام سيء
أفتكر بنت ف كلاسنا المس حقتنا امريكيه بس مسلمه خلتها تلبس عبايتها تقولها لازم تقراو الكلام الي ع ملابسكم قبل م تلبسوه
*الجاكيتات:- يفضل تكون الجاكيتات خفيفه ومريحه وتناسب حركتك
اغلب جامعاتنا تنانير ف عموما نغير ب الموديل مثلا انتي مسموح لك تلبسين اسود بس ، غيري ب موديل التنوره
مرا سكيني ، مرا سترتش ، مرا تكسير ، وهكذا
لازم م نتجاهل الديتيل الصغيره فيه ناس تهمشها مثلا الازارير ، فيه تنانير تجي من فوق فيها وفي بناطيل تكون من جهة الرجل
وفي تنانير فيها فتحات وفيه تنانير قماش مختلف - لازم تكون عمليه -
ابتعدو تماما عن الاقمشه الي تجي منقشه ومزخرفه احسها م تناسب الجامعه ابدا ومو عمليه
جربتو ترم ومرررا انعدمت شنطتي
وفبوست ثاني حقولكم كيف تنظمو شنطتكم من الحوسه
*تعالو نشوف اللوكات
خلصنا نص اغراضنا الباقي حتطرق ان شا الله ف البوست الجاي اتمنى اكون افدتكم لو ب شي بسيط
